Friday, March 16, 2012

ನಿನ್ನೋಟದೊಳಗಿನ ಬಂಧಿ

ನಿನ್ನ ಕಣ್ಣ ನೋಟದೆದುರು
ಚಕ್ರವ್ಯೂಹ ಪ್ರವೇಶ ಪಡೆದ
ಅಭಿಮನ್ಯು ನಾನು.

ಬತ್ತಳಿಕೆಯಲಿ ಜತನದಿ ಪೇರಿಸಿಟ್ಟ
ನಿನ್ನ ನೋಟದ ಬಾಣಗಳಿಗೆ
ದೇಹವನ್ನೆ ಬಿಲ್ಲಾಗಿಸಿದವ ನಾನು.

ನಿನ್ನ ಅಕ್ಷಿ ಪರಿಧಿಯಲ್ಲಿ
ಎದುರುಗೊಂಬ ಶತ್ರುಗಳೊಡ ಹೋರಾಡೊ
ಕೆಚ್ಚೆದೆಯ ಗಂಡು ನಾನು

ನಿನ್ನೊಳು ಬರಬಲ್ಲೆ
ನನ್ನೊಳು ನಿನಗಾಗಿ ಯುದ್ಧಕ್ಕೂ ಬೀಳಬಲ್ಲೆ
ನಿನ್ನ ನೋಟ ಚಕ್ರವ ಭೇಧಿಸಲಾರೆನು ನಾನು.

ನಿನ್ನ ನೋಟದೊಳಗಿನ ಸ್ಪೂರ್ತಿ
ಹಿಡಿಯಾಗಿಸಿ ಬದುಕೊ ಆಸೆ
ಭೇಧಿಸಲಾಗದ ನಿನ್ನೋಟದೊಳಗಿನ ಬಂಧಿ ನಾನು.

No comments:

Post a Comment