ಮೊಬೈಲ್ ಟವರ್ - ರೇಡಿಯೇಷನ್ - ವಸ್ತುಸ್ಥಿತಿ

ಮೊಬೈಲ್ ಟವರ್ ಡೇಂಜರ್ , ಇವುಗಳ ರೇಡಿಯೇಷನ್ ನಿಂದ ಕ್ಯಾನ್ಸರ್ ಅಂಥ ಮಾರಕ ಕಾಯಿಲೆ ಇಂದ ಹಿಡಿದು ಹಲವಾರು ಸಣ್ಣ ಪುಟ್ಟ ಕಾಯಿಲೆಗಳು ಬರುತ್ತವೆ. ಕೇಂದ್ರ ಸರ್ಕಾರದ ನಾರ್ಮ್ಸ್ ಪ್ರಕಾರ 3 ಕಿಮೀ ಒಂದು ಟವರ್ ಹಾಕಕ್ಕೆ ಮಾತ್ರ ಅವಕಾಶ ಇರುವದು. ಈ ರೇಡಿಯೇಷನ್ ನಿಂದ ಬೆಂಗಳೂರು ಅಂಥ ಪಟ್ಟಣದಲ್ಲಿ ಬದುಕೇ ಅಸಾಧ್ಯ,ಈ ರೀತಿಯಾ ಕೆಲ ಹೇಳಿಕೆಗಳು ಈ ದಿನಗಳಲ್ಲಿ ಹೆಚ್ಚಾಗಿ ಕೇಳಿ ಬರುತ್ತಿದೆ.ಈ ಹೇಳಿಕೆಗಳ ಸಾಧಕ ಬಾಧಕಗಳನ್ನು ಕೆದಕುತ್ತಾ ಹೋದ ನನಿಗೆ ಕೆಲವೊಂದು ವಸ್ತು ಸ್ಥಿತಿಗತಿಗಳು ಪರಿಚಯ ವಾಗುತ್ತಾ ಹೋಯಿತು. ಆ ನಿಟ್ಟಿನಲ್ಲಿ ಹೀಗೆ ಈ ಬಗ್ಗೆ ಇಲ್ಲಿ ಬರಕೊಳ್ಳೋಣ ಅಂತೆನಿಸಿ ಬರೆಯುತಿದ್ದೇನೆ.

ಟೆಲಿವಿಷನ್ ತರಂಗಗಳು, ಸ್ಯಾಟಲೈಟ್ ತರಂಗಗಳು ಹೆಂಗೆ ಕಾರ್ಯ ನಿರ್ವಹಿಸುತ್ತವೆಯೋ ಅದರಂತೆ ಮೊಬೈಲ್ ಟವರ್ ಕೂಡ ರೆಡಿಯೋ ಪ್ರೀಕ್ವೆನ್ಸಿ (RF) ಸಿಗ್ನಲ್ ನನ್ನು ನಮ್ಮ ಮೊಬೈಲ್ ಹಾಂಡ್ ಸೆಟ್ಗೆ ಕಳಿಸುತ್ತದೆ. ನಮ್ಮ ಹಾಂಡ್ ಸೆಟ್ ನಲ್ಲಿ RF ಸಿಗ್ನಲ್ ವಿದ್ಯುತ್ಕಾಂತೀಯ ವಿಕಿರಣ ಹೊರಸೂಸುತ್ತವೆ. ಈ ಕಿರಣವನ್ನು ಮತ್ತು ಸಂದೇಶ ರವಾನಿಸುವ RF ಕಿರಣಗಳ ಪರಿಣಾಮವನ್ನೆ ರೇಡಿಯೇಷನ್ ಎಪೆಕ್ಟ್ಸ್ ಅನ್ನೋದು.ಈ ಸಿಗ್ನಲ್ ಗಳು 1 ಕ್ಕಿಂತಾಲೂ ಕಡಿಮೆ ವ್ಯಾಟ್ ಶಕ್ತಿಯಲ್ಲಿ ಆಪರೇಟ್ ಆಗುವಂತದ್ದು.ಹಾಗೆ ನೋಡಿದಲ್ಲಿ ಈ ಕಿರಣಗಳೂ X-Ray ಮೆಷೀನ್ ನಲ್ಲಿ ಬಳಕೆ ಮಾಡಲ್ಪಡುವ "ಗಾಮಾ ರೇಸ್"(IONIZING RADIATION)ನಷ್ಟೂ ಅಪಾಯಾಕಾರಿಯಾಗಿದ್ದಲ್ಲ.ಮೋಬೈಲ್ ಸಿಗ್ನಲ್ ಗಳು NON-IONIZING ರೇಡಿಯೆಷನ್ ಅಂತಲೇ ಕರೆಯಲ್ಪಡುತ್ತದೆ.ಹಾಗಿದ್ರೆ ಮೋಬೈಲ್ ಸಿಗ್ನಲ್ ಅಪಾಯಾಕಾರಿಯಲ್ಲ ಅನ್ನೋದು ನಾ ಇಲ್ಲಿ ಹೇಳಲು ಹೊರಟಿಲ್ಲ. ರೇಡಿಯೇಷನ್ ಯಾವ ತರದ್ದೆ ಆಗಿರಲಿ ಅದು ಅಪಾಯಾಕಾರಿನೆ. ಅದು ಬೆಳೆಯುವ ಮಕ್ಕಳೀಗೆ ಬಲು ಅಪಾಯಾಕಾರಿ.ಬೆಂಗಳೂರಂತ ಸಿಟಿ ಲೆವೆಲ್ನಲ್ಲಿ -80 ಡಿಬಿಯಂ ನಿಂದ -100 ಡಿಬಿಯಂ ಇರಬೇಕಾದ ಸಿಗ್ನಲ್  -24 ಡಿಬಿಯಂ ನಿಂದ -40 ಡಿಬಿಯಂ ವರೆಗೂ ಬಂದು ಅಪಾಯದ ಮಟ್ಟ ಮೀರಿದೆ.ಆದರೆ ಇಲ್ಲಿ ಗಮನಿಸಬೇಕಾದ ಒಂದು ಅಂಶವೆಂದರೆ ಸಿಟಿ ಲೆವೆಲ್ ನಲ್ಲಿ ಕಂಡು ಬರುವ ಈ ರೇಡಿಯೇಷನ್ ಸಮಸ್ಯೆ ಸಿಟಿ ಹೊರಗೆ ನಿಮಗೆ ಕಂಡು ಬರಲಾರಾದು. ಹಾಗಿದ್ದರೆ ಯಾಕೆ ಹೀಗೆ? ಈ ಬಗ್ಗೆ ವಸ್ತು ಸ್ಥಿತಿ ಏನು ಅಂತ ತಿಳಿಯೋಣ.

ಬೇರೆ ಬೇರೆ ಉಪಕರಣಗಳಿಂದ ಮಾನವವನಿಗಾಗುವ ರೇಡಿಯೆಷನ್ ಕಿರು ಪರಿಚಯ

ಮೋಬೈಲ್ ಟವರ್ ಜಾಸ್ತಿಯಾದಂತೆ ರೇಡಿಯೇಷನ್ ಪ್ರಮಾಣ ಜಾಸ್ತಿಯಾಗುತ್ತೆ ಅನ್ನೋ ತಪ್ಪು ಅಭಿಪ್ರಾಯ ಹಲವಷ್ಟು ಮಂದಿಗಿದೆ.ಎಲ್ಲಿ ಮೊಬೈಲ್ ಬಳಕೆದಾರರೂ ಜಾಸ್ತಿ ಇದ್ದಾರೋ ಅಲ್ಲಿ ಸಿಗ್ನಲ್ ಸ್ಟ್ರೆಂತ್ ಜಾಸ್ತಿ ಮಾಡಲೇ ಬೇಕಾದ ಅನಿವಾರ್ಯತೆ ಮೊಬೈಲ್ ಆಪರೇಟ್ ಕಂಪೆನಿಗಳದ್ದು. ಬಳಕೆದಾರರೂ ಜಾಸ್ತಿ ಇದ್ದೂ ಮೊಬೈಲ್ ಟವರ್ ಗಳೂ ಕಡಿಮೆ ಇದ್ದಾಗ ಅನಿವಾರ್ಯವಾಗಿ ಇರೋ ಟವರ್ ನಲ್ಲೇ ಸಿಗ್ನಲ್ ಸ್ಟ್ರೆಂತ್ ನ್ನೂ ಜಾಸ್ತಿ ಮಾಡಬೇಕಾಗಿ ಬರುತ್ತದೆ. ಆದುದರಿಂದಲೆ -80 ಡಿಬಿಯಂ ಗಿಂತಾಲೂ ಕಡಿಮೆ ಡಿಬಿಯಂ ಲೆವೆಲ್ ಇಳಿದು ರೇಡಿಯೇಷನ್ ಉಂಟಾಗುತ್ತದೆ.ಸಿಟಿ ಲೆವೆಲ್ ನಲ್ಲಿ ಟವರ್ ಹಾಕಲೂ ಜಾಗದ ಸಮಸ್ಯೆ , ಮಿತಿ ಮೀರಿದ ಬಳಕೆದಾರರೂ ಈ ಎಲ್ಲ ಕಾರಣಗಳಿಂದ ಈ ರೇಡಿಯೇಷನ್ ಸಮಸ್ಯೆ ಉದ್ಬವವಾಗಿದೆ ಅಂದರೂ ತಪ್ಪಿಲ್ಲ. ಬೆಂಗಳೂರಿನ 2-2ಡೂವರೆ ಕಿಮೀ ಉದ್ದದ ಎಂ ಜಿ ರಸ್ತೆಗೆ ಪ್ರತಿ ಆಪರೇಟರ್ ಗಳೂ ಕನಿಷ್ಟ 6-8 ಟವರ್ ಹೊಂದಿದ್ದರೂ ರೇಡಿಯೇಷನ್ ಲೆವೆಲ್ ನನ್ನು ಕಂಟ್ರೋಲ್ ಮಾಡಕ್ಕೆ ಆಗುತ್ತಿಲ್ಲ.ಸ್ಪೇಸ್ ನಲ್ಲಿ ಇರೋ ಎಲ್ಲಾ ತರದ ಸಿಗ್ನಲ್ ಗಳನ್ನೂ "ಸ್ಪೆಕ್ಟ್ರಮ್ ಅನೆಲೈಜರ್" ಯಂತ್ರದ ಮೂಲಕ ಮಾಪನ ಮಾಡುತ್ತೆವೆ. ನಾವು ಇದರಲ್ಲಿ ಮಾಪನ ಮಾಡಲಾದ ಸಿಗ್ನಲ್ ಲೆವೆಲ್ ಬರೀಯ ಮೋಬೈಲ್ ಟವರ್ ನದ್ದು ಮಾತ್ರ ಅಲ್ಲ ಅನ್ನೋದು ಗಮನಿಸಬೇಕಾದ ಅಂಶ.ಅದರೆ ಹೆಚ್ಚಿನ ಅಂಶ ಮೋಬೈಲ್ ಟವರ್ ನದ್ದೇ ಆಗಿರುತ್ತದೆ ಅನ್ನೋದು ಒಪ್ಪಬಹುದಾದದ್ದು.ಹಾಗಿದ್ದಲ್ಲಿ ಈ ರೇಡಿಯೇಷನ್ ಎಪೆಕ್ಟ್ ನಿಂದ ಬಚಾವಾಗೋದು ಎಂಥೂ????ಮೋಬೈಲಂತು ಬಿಟ್ಟಿರಕ್ಕಾಗಲ್ವೆ.

ಸಿಟಿ ಲೆವೆಲ್ ನಲ್ಲಿ ಇರುವ ಕಾರ್ಬನ್ ಡೈಆಕ್ಸೈಡ್, ಇಲ್ಲಿರುವ ಗಾಳಿ ನೀರು, ವಾತಾವರಣದ ತಾಪಾಂಶ,ರಾಸಾಯನಿಕ ಬಳಸಿದ ಹಣ್ಣು ತರಕಾರಿ ಇವೆಲ್ಲ ಮಾನವ ದೇಹಕ್ಕೆ ಕೊಡುವ ನೇರಾ ನೇರಾ ತೊಂದರೆಗೆ ಹೋಲಿಸಿದಲ್ಲಿ ಈ ರೇಡಿಯೇಷನ್ ನಿಂದ ಆಗುವ ಪರಿಣಾಮ ಅಷ್ಟೊಂದು ಘೋರ ಅಲ್ಲವೆನ್ನುವದು ನನ್ನ ಅಭಿಪ್ರಾಯ.ಮೊಬೈಲ್ ರೇಡಿಯೇಷನ್ ಎಪೆಕ್ಟ್ ವಾತಾವರಣದಲ್ಲಿ  ಟವರ್ ಬೀರುವ RF ಸಿಗ್ನಲ್ ಎಪೆಕ್ಟ್ನಿಂದ  ನಮ್ಮ ಮೊಬೈಲ್ ಹೊರಸೂಸುವ ವಿದ್ಯುತ್ಕಾಂತೀಯ ವಿಕಿರಣದ ಅಪಾಯಗಳೆ ಹೆಚ್ಚು.ಎಲ್ಲಿ ಸಿಗ್ನಲ್ ಸ್ಟ್ರೆಂತ್ ಜಾಸ್ತಿಮಾಡುವ ಸಲುವಾಗಿ ಹೆಚ್ಚಿನ ಹೊರೆ (ಸಿಗ್ನಲ್ ಸ್ಟ್ರೆಂತ್ -80ಡಿಬಿಯಂ ಗಿಂತ ಕಡಿಮೆ)ಹಾಕಿರುತ್ತಾರೋ ಅದೇ ತರ ಎಲ್ಲಿ ಸಿಗ್ನಲ್ ಸ್ಟ್ರೆಂತ್ ಕಡಿಮೆ ಇದೆಯೋ(ನೆಟ್ ವರ್ಕ್ ಕವರೇಜ್) ಈ ಎರಡೂ ಕಡೆಗಳಲ್ಲಿ ನಾವು ಬಳಸುವ ಮೊಬೈಲ್ ಸೆಟ್ ನಲ್ಲಿ ಹೆಚ್ಚಿನ ವಿದ್ಯುತ್ಕಾಂತೀಯ ವಿಕಿರಣ ಉತ್ಪಾದನೆಯಾಗುತ್ತೆ.ಈ ವಿಕಿರಣದಿಂದಾಗಿ ತೊಂದರೆಯಾಗುವ ಸಾಧ್ಯತೆಗಳಿವೆ.ಮೋಬೈಲ್ ನಲ್ಲಿ ಇನ್ಬಿಲ್ಟ್ ಆಗಿರುವ ಆಂಟೆನಾ ತಲೆಯಾ ಭಾಗಕ್ಕೆ ಬರುವದರಿಂದ ಈ ಸಮಸ್ಯೆ ಹೆಚ್ಚಾಗುತ್ತದೆ. ಆದುದರಿಂದಲೆ ಹೆಡ್ ಪೋನ್ ನನ್ನು ಬಳಸುವದು ಇದ ನಿವಾರಿಸುವಲ್ಲಿ ಇರೋ ಸುಲಭೋಪಾಯ.

ಮೋಬೈಲ್ ಬಳಕೆಯಿಂದಾಗಿ ಬ್ರೈನ್ ಟ್ಯೂಮರ್ ಬರುತ್ತೆ,ಪುರುಷ ತನ್ನ ಲೈಂಗಿಕ ಸಾಮರ್ಥ್ಯ ಕಳಕೊಳ್ಳೂತ್ತಾನೆ, ಹೆಂಗಸೂ ತನ್ನ ಸಂತಾನ ಭಾಗ್ಯ ಕಳಕೋಳ್ಳುತ್ತಾಳೆ ಎನ್ನೋ ಮಾತಿದೆಯಾದರು ಈ ಬಗ್ಗೆ ಯಾವದೂ ಸರಿ ಯಾವದೂ ತಪ್ಪು ಅನ್ನೋ ಅಭಿಪ್ರಾಯಕ್ಕೆ ಇನ್ನೂ ವಿಜ್ಞಾನಿಗಳು ಬರಲಾಗಿಲ್ಲ. ಈ ಬಗ್ಗೆ ಹಲವಾರು ಸಂಶೋಧನೆ ನಡೆಯುತ್ತಿದ್ದರೂ ಪರ ವಿರೋಧ ಎರಡೂ ಅಭಿಪ್ರಾಯಗಳೂ ಒಡ ಮೂಡಿದೆ.WHO ರಿಪೋರ್ಟ್ಗಳು ಈ ದ್ವಂದ್ವಗಳಿಂದ ಹೊರತಾಗಿಲ್ಲ. ಈ ಬಗ್ಗೆ ಇಂಟರ್ನೆಟ್ಟ್ ನಲ್ಲೇ ಸಾಕಷ್ಟು ಮಾಹಿತಿಗಳು ಲಭ್ಯ.ಮಾನಸಿಕ ಕಿರಿ ಕಿರಿ ಇತರ ಸಮಸ್ಯೆಗಳೂ ಖಂಡಿತಾ ಇದೆ.ಇದೆಲ್ಲ ಸಮಸ್ಯೆಗಳಿಗಳಿಂದ ಒಂದಷ್ಟರ ಮಟ್ಟಿಗೆ ನಮ್ಮನ್ನು ನಾವು ಕಾಪಾಡಿಕೋಳ್ಳಲು ಕೆಳ ಕಂಡ ಮಾರ್ಗಗಳನ್ನು ಅನುಸರಿಸುವದು ಸೂಕ್ತ.

1.ಅದಷ್ಟು ಮೊಬೈಲ್ ಬಳಕೆಯನ್ನು ಕಡಿಮೆಗೊಳಿಸುವದು, ಸ್ಥಿರ ದೂರವಾಣಿ ಇರುವಲ್ಲಿ ಅದನ್ನೆ ಹೆಚ್ಚಾಗಿಬಳಸುವದು. ಮೊಬೈಲು ಬಳಕೆ ಮಾಡುವಾಗ ಮಾತು 1 ಕರೆಗೆ 3 ನಿಮಿಷದಿಂದ ಹೆಚ್ಚಿಗೆ ಆಗದಂತೆ ನೋಡಿಕೊಳ್ಳುವದು. 

2.ಅದಷ್ಟು ಸಾಧ್ಯವಿರುವ ಕಡೆಯಲ್ಲೆಲ್ಲ ದೇಹದಿಂದ ಮೊಬೈಲು ದೂರವಿರುವಂತೆ ನೋಡಿಕೊಳ್ಳುವದು,ಮಾತನಾಡುವದಕ್ಕಾಗಿ ಹ್ಯಾಂಡ್ಸ್ ಫ್ರೀ ಬಳಸುವದು.

3.ಸಿಗ್ನಲ್ ಕವರೇಜು ಕಡಿಮೆ ಇರುವಲ್ಲಿ ಮೊಬೈಲು ಸ್ವಿಚ್ ಆಫ್ ಮಾಡುವದು.

4.ಕಾರು ಮುಂತಾದವುಗಳಲ್ಲಿ ಪ್ರಯಾಣಿಸುತ್ತಿರಬೇಕಾದರೆ ಕಿಟಕಿ ಗಾಜುಗಳನ್ನು ತೆರೆದು ಮಾತನಾಡುವದು,ಗಾಳಿ ಶಬ್ಧ ಬರುತ್ತದೆ ಎಂದು ಹೆಚ್ಚಿನವರು ಇದರ ವಿರುದ್ದ ವಾಗಿ ನಡೆದುಕೊಳ್ಳುವದನ್ನೆ ರೂಡಿಸಿಕೊಂಡಿರುತ್ತಾರೆ.ಕಾರಿನಲ್ಲಿ ಒಂದು ಆಂಟೇನಾ ಬಳಸಿಕೊಂಡಿದ್ದರೆ ಇನ್ನೂ ಉತ್ತಮ.

5.೧೪ ವರ್ಷದ ಕೆಳಗಿನವರು ಖಂಡಿತವಾಗಿಯು ಮೊಬೈಲನ್ನು ಉಪಯೊಗಿಸದಂತೆ ಎಚ್ಚರವಹಿಸುವದು. 

ಒಂದು ಮಾತಂತೂ ಸತ್ಯ ಮೊಬೈಲ್ ಟವರ್ ನಿಂದಾಗುವಾ ಹಾನಿಗಿಂತ ನಮ್ಮ ಮೊಬೈಲ್ ಸೆಟ್ ನಿಂದಾಗುವ ನಮ್ಮ ದೇಹಕ್ಕಾಗುವ ತೊಂದರೆ ಸುಮಾರು 5 ಪಟ್ಟಿನಷ್ಟು ಹೆಚ್ಚು.ಮೊಬೈಲ್ ಟವರ್ ರೇಡಿಯೇಷನ್ ಹೆಚ್ಚಾಗಿ ಸಿಟಿ ಲೆವೆಲ್ ನಲ್ಲಿ ಮಾತ್ರ ಕಂಡರೆ ಈ ನಮ್ಮ ಮೋಬೈಲ್ ವಿಕಿರಣ ಹಾನಿ ಬಳಸುವ ಎಲ್ಲರೀಗೂ ಅನ್ವಯವಾಗುವಂತದ್ದು.ಭಾರತದಲ್ಲಿ ಮೋಬೈಲ್ ಟವರ್ ಕಾಣಸಿಗುವಷ್ಟು ಬೇರೆಲ್ಲಿಯೂ ಕಾಣಸಿಗುವದಿಲ್ಲ ಅನ್ನುವದು ಸತ್ಯವಾದಾರೂ ಒಂದು ರಾಜ್ಯಕ್ಕೆ 7 ಆಪರೇಟರ್ ಮೊಬೈಲ್ ಸೇವೆ ಒದಗಿಸಬಹುದೆಂಬ ಸರ್ಕಾರದ ನೀತಿಯೂ ಇದಕ್ಕೆ ಕಾರಣ,ಅದು ಮಾತ್ರವಲ್ಲದೆ ICNIRP (International commission on Non-Ionizing Radiation protection) ನಿರ್ದೇಶನವನ್ನು ಮೀರಿ ತರಂಗಾಂತರ ಹಂಚಿಕೆ ಆ ನಿಟ್ಟಿನಲ್ಲಿ ಸರ್ಕಾರ ಕಟ್ಟು ನಿಟ್ಟಿನ ಕ್ರಮಗಳನ್ನು ಆಪರೇಟರ್ ಗಳ ಮೇಲೆ ಹೇರದೆ ಇರುವದು ಮುಂತಾದುವು ಬೇಕಾಬಿಟ್ಟಿ ಟವರ್ ಎದ್ದು ನಿಲ್ಲಲೂ ಕಾರಣವೂ ಹೌದು. ಆದರೂ 2010 ರಿಂದೀಚೆಗೆ ಎಲ್ಲಾ ಆಪರೇಟರ್ಗಳು ಸ್ವಂತ ಟವರನ್ನು ಅನಗತ್ಯವಾಗಿ ನಿರ್ಮಿಸದೆ ಶೇರಿಂಗ್ ಸಿಸ್ಟಮ್ ಗೆ ಒಲವು ತೋರಿಸುತ್ತಿರುವದು ಒಂದು ಆಶಾದಾಯಕ ಬೆಳವಣಿಗೆಯೇ ಹೌದು. ಇದು ಕೂಡ ICNIRP ನಿರ್ದೇಶನದಲ್ಲೋಂದು.ಒಂದಷ್ಟು ಕಾರ್ಮಿಕ ವರ್ಗ ಈ ಮೊಬೈಲ್ ಟವರ್ ಗಳನ್ನೆ ನೆಚ್ಚಿಕೊಂಡು ಬದುಕುತ್ತಿವೆ. ಅವುಗಳಿಗೆ ಈ ರೇಡಿಯೇಷನ್ ಪರಿವಿಲ್ಲದೆ ,ವಾರದಲ್ಲೋಂದು ರಜಾ,ಕೆಲಸಕ್ಕೊಂದು ನಿಗದಿತ ಸಮಯವೂ ಇಲ್ಲದೆ,ಛಳಿ, ಮಳೆ, ರಾತ್ರಿ ಹಗಲೆನ್ನದೆ ದುಡುಯುತ್ತಾ ಬದುಕ ಕಂಡಿದೆ. ಇಡೀಯ ಮೋಬೈಲ್ ನೆಟ್ ವರ್ಕ್ ನಿಂತಿರುವದೆ ಈ ಕೆಳವರ್ಗದ ನೌಕರರ ಮೇಲೆನ್ನುವದನ್ನು ಒಪ್ಪಿಕೊಳ್ಳಲೇ ಬೇಕಾಗಿದೆ.ಆ ಮಂದಿಗಳಿಗೆ ಈ ಮೋಬೈಲ್ ಟವರ್ ಗಳ ಬಗ್ಗೆ ಎದ್ದಿರುವ ಅಪಸ್ವರ ಬಾಧಿಸದಿರಲಿ ಅನ್ನುವದೇ ನನ್ನ ಆಶಯ.

ನಿಮ್ಮವ........

ರಾಘವೇಂದ್ರ ತೆಕ್ಕಾರ್