ಆಸೆ ಎಂಬ ಮೂಟೆ

ಸುಖ ದುಖಃಗಳ ತೆರೆಮರೆಯಾಟ

ಕತ್ತಲು ಬೆಳಕಿನ ಚದುರಂಗದಾಟ

ಸಾಗಿದೆ ಇಹದೊಳಗೆ........

ಬಾಳೆಂಬ ಈ ವಿಧಿ-ಹಣೆಬರಹದಾಟ.

ಮನಸ್ಸೆಂಬ ಹಾರು ಹಕ್ಕಿ 

ಸಾಗುತಿದೆ ಎತ್ತರದ ನಭಕ್ಕೆ

ಆಸೆ ಎಂಬ ಮೂಟೆ ಬೆನ್ನಿಗೇರಿದೆ

ಬಾನಿಗಿಲ್ಲ ಎಲ್ಲೆ ಅಲ್ಲಿರದು ಸೂರು

ಆಸೆಗಳಿಗೆ ಮುಕ್ತಿ ಸಿಗುವದಿಲ್ಲ ಗೊತ್ತಿದೆ

ಆದರೂ ಬಾಳ ಹಾದಿಯನ್ನು ಮುಳ್ಳಾಗಿಸಿದೆ.

ಕನಸು ಕಾಣುವದೇಕೆ ಈ ಮನಸು

ಬಾನಿಗೆ ಆಸೆಗೆ ಕೊನೆ ಇಲ್ಲದಾಗ

ಆಸೆ ತೊರೆಯೋ ಮನಸೆ ನಿಜವನರಿತು

ಹರುಷ ತಾ ಮನಕೆ ನನ್ನ ನೀನರಿತು

ಮಿತಿ ಕರುಣಿಸು ನನ್ನಾಸೆಗೆ

ಸಾಗರ ಸೇರುವ ನದಿ ಹರಿವಿನಂತೆ

ಸಿಹಿಯಾಗಿಸು ಜೀವನ ಹಾದಿ ನನ್ನೊಲವಿನಂತೆ.