ನಾದವಿಲ್ಲದ ಕಂಠ

ನಾದವಿಲ್ಲದ ಕಂಠದಿಂದ

ಭಾಷೆ ಪದಗಳಿಗೆ ನಿಲುಕದ

ಭಾವನೆ ಮಾತ್ರವೇ ರಾಗವಾಗಿರುವ

ಮನಸ್ಸೀನಾಳದ ಹಾಡ ಹಾಡುವೆ

ಮನಸ್ಸು ಮಾತ್ರ ನನ್ನದು 

ಈ ದೇಹವಲ್ಲ ನನ್ನದು ಅನ್ನಲಾದೀತೆ?

ಸಕಲರ ಸಂಘವ ತೊರೆದು

ನಾನೆ ಎಲ್ಲ ಎಂದು ಬದುಕಲಾದೀತೆ?

ರಿವಾಜುಗಳಿಲ್ಲದೆ ಮನ ಒಪ್ಪಿ ಹೃದಯದಿ ಬಂದಿ

ಪ್ರೀತಿ ತುಂಬಿ ಗೆಳೆತನದ ಸವಿ ಉಣಿಸುವ ಮಂದಿ

ತಡೆಯದು ನನ್ನ....................

ಸಮಾಜ ಕಟ್ಟಲೆಗಳು ಜಾತೀಯತೆಯ ಸಂದುಗೊಂದಿ

ಮಾನವತೆಯ ತೋರಿ ನಿಲ್ಲಬೇಕಿದೆ ಇವೆಲ್ಲವ ಹಿಂಗಿ

ಮನುಷ್ಯ ಮಾತ್ರ ನಿಂದಲೆ ಎಲ್ಲರ ನೋಡಬಲ್ಲೆವೆ?

ಹುಟ್ಟು ಮಾನವಧರ್ಮವ ಮೇಳೈಸಬಲ್ಲೆವೆ?

ಹಿಗ್ಗಿ ಹಿಗ್ಗುತಾ ಕಾಣುವ ಈ ಸುಂದರ ಸ್ವಪ್ನ

ನಾದವಿಲ್ಲದ ನನ್ನ ಕಂಠ.............

ನನ್ನ ಭಾವನೆಗಳ ಹಾಡ ಹಾಡುತಾ ಸಾಗಬಲ್ಲುದೇ?