ಬದುಕೂ-ಒಂದಷ್ಟೂ ದೂರ..

ಜೀವನದ ದಾರಿ ತುಂಬಾ ಕಠಿಣ
ಎಳಸು ಎಳಸಾಗಿ ಸಾಗಿ ಬಂದಿರುವೆ
ಅದೆ ದಾರಿಯಲ್ಲಿ ಮುಂದುವರಿದು ಸಾಗಲು
ಬೇಕು ಒಂದಷ್ಟೂ ಚೈತನ್ಯದ ಸನಿಹ
ನಿನ್ನ ಇರುಹು ನನ್ನ ಚಲನೆ ಎಂದಾದ ಮೇಲೆ
ಜೊತೆಯಾಗಬಹುದೆ ಬದುಕಿನ ಒಂದಷ್ಟೂ ದೂರ

ಒಂದಷ್ಟೂ ಕನಸ ಕಂಡು
ಈಗಷ್ಟೆ ಅದ ಹೊತ್ತು ಎದ್ದಿರುವೆ
ಬದುಕ ತುಂಬಾ ಜೊತೆ ನಡೆಯಲಾರೆ
ಇದು ಗೊತ್ತಿದ್ದೆ ಕೇಳುವೆ,
ಕನಸು ನನಸಾಗಿ ಕೈ ಹಿಡಿಯೋವರೆಗೆ
ಜೊತೆಯಾಗಬಹುದೆ ಬದುಕಿನ ಒಂದಷ್ಟೂ ದೂರ

ಸಾಗಬೇಕಿರುವ ಹಾದಿ ದೊಡ್ಡದಿದೆ
ಇದು ನನ್ನೊಳಗಿನ ಆಸೆಗಳ ದೂರದೃಷ್ಟಿ
ಇಲ್ಲವೆಂದರೆ ನಾ ನಾಳೆಗಳ ಬಲ್ಲಿದನಲ್ಲ
ಅದ ಹಂಬಲಿಸುತ್ತಲೆ ಕೇಳುವೆ
ಬಾಳ್ವೆಯ ಕಠಿಣಗಳ ಸವಾಲ್ಗಳೆದುರಿಸಲು
ಜೊತೆಯಾಗಬಹುದೆ ಬದುಕಿನ ಒಂದಷ್ಟೂ ದೂರ

ಮುಂದೆಯೂ........
ನನ್ನ ನಡಿಗೆ ಅದೆ
ಸಾಗೋ ದಾರಿಯೂ ಅದೆ
ನನ್ನ ಬದುಕೂ ಅದೆ
ಬದುಕುವ ದಾರಿಯೂ ಅದೆ
ನನ್ನ ಜೀವನವೂ ಅದೆ
ದುಡಿತದ ದಾರಿಯೂ ಅದೆ
ಸಕಾರಣಕ್ಕೆ ಸಾಗೋ ಬದುಕಿನ ಬಂಡಿಯಲ್ಲಿ
ಹೊಸ ಭರವಸೆಯ ಚಲನೆಯ ನಾ ಕಾಣಲೂ
ಜೊತೆಯಾಗಬಹುದೆ ಬದುಕಿನ ಒಂದಷ್ಟೂ ದೂರ.