ಕನಸಿನ ಬಣ್ಣ......

ಹೃದಯ ಜೋಪಡಿಯೊಳಗೆ
ಅವಿತಿಟ್ಟ ಭಾವನೆಗಳ ರೂಪವೆ
ನನ್ನ ಮಾತು.

ಮನದ ಸಂದಿಯೊಳಗೆ
ಅಡಗಿರುವ ಋಣಾಂಶವೆ
ನನ್ನೊಳಗಿನ ಅಸಹನೆ.

ನಾ ಪಡೆವ ಒಲವೂ
ಅದರತ್ತಲಿನ ತುಡಿತವೇ
ನನ್ನುಸಿರು.

ಅರ್ಥವಿಲ್ಲದ ನಾನು ಎಂಬೊಳಗೆ
ಎಲ್ಲಾವೂ ನೀನಾದರೆ
ಅದೆ ನನ್ನ ನಿಟ್ಟುಸಿರು.

ನೋವ ಕಾರ್ಮುಗಿಲ ದಿನದಲ್ಲಿ
ಮೌನಕ್ಕೆ ಶರಣಾಗುವದೆ
ನನ್ನ ಏಕಾಂತ.

ನನ್ನ ಬಣ್ಣ ಬಿಚ್ಚಿಡುತ್ತಲೆ
ನಿನ್ನವನಾಗುವ ಕನಸು
ನನ್ನ ಬಯಕೆ

ನೀನು ನಾನು ಭೇಧವಿಲ್ಲದೆ
ಎಲ್ಲವೂ ನಾವೆಂದಾದಲ್ಲಿ
ಸಂಶಯ ಬೇಡ
ನೀನೆ ಎನ್ನ ಅರಸಿ.